Salut Jonathan!/Kapitro 1

Un civ.

Il skribar in un jornal.

Lo vir starar.

Lo vir no starar.

Lo man sar kleva.

Lo vir sar grana.

Prima kapitro (1a kapitro)

Un mey (1 mey)

Un vir starar in un civ. Lo vir skribar un jornal. Lo vir vidar un civ.

Cu lo vir starar in un civ? Ya, il starar in un civ.

Cu lo vir starar in... un vir? No, il no starar in un vir. Il starar in un civ.

Cu lo vir starar in un tren? No, il no starar in un tren. Il starar in un civ. Lo vir starar in un civ.

Cu lo vir skribar un jornal? Ya, il skribar un jornal.

Cu lo jornal skribar lo vir? No, lo jornal no skribar lo vir. Un jornal no skribar. Un vir skribar. Lo vir skribar lo jornal.

Cu lo civ vidar lo vir? No, lo civ no vidar lo vir. Un civ no vidar. Un vir vidar. Cu lo vir vidar lo civ? Ya, lo vir vidar lo civ.

Vo starar lo vir? Il starar in un civ. Ke lo vir skribar? Il skribar un jornal. Ke lo vir vidar? Il vidar un civ. Il starar in un civ, ed il skribar un jornal, ed il vidar un civ.

Cu lo vir starar in un jornal? No, il skribar in un jornal. Cu lo vir vidar un vir? No, il no vidar un vir; il vidar un civ.

Lo vir sar grana. Lo vir sar bona, e lo vir sar kleva. Il pensar. Il pensar pri lo civ. Il pensar: “Ka sar lo civ? Cu lo civ sar bona? Cu lo civ sar grana?”

Cu lo vir skribar un civ? No, il no skribar un civ; un civ sar grana. Il skribar un jornal; un jornal no sar grana.

Cu lo jornal pensar pril vir? No, un jornal no pensar. Un vir pensar. Il pensar pril jornal, e pensar pril civ.

Ed il skribar in lo jornal. Il no skribar pril civ. Il skribar: “Lo civ sar bona, ed lo civ sar grana.”

Il pensar: “Lo civ sar bona”; il pensar ke lo civ sar bona. Il pensar: “Lo civ es grana”; il pensar ke lo civ sar grana. Il pensar pril civ, ed il pensar pril jornal.

Ko sar lo jornal? Lo jornal sar vo lo vir skribar; il skribar nel jornal. Nel jornal, lo vir skribar pril civ. Nel jornal, lo vir no skribar pril tren; lo man starar nel civ, no nel tren. Il no pensar pril tren; il pensar pril civ, lo civ Munik.

Ka sar lo civ? It sar Munik. Vo sar Munik? It sar vo lo vir starar. Vo sar lo vir? Il sar in Munik.

Ya, Munik sar un grana civ, ed un bona civ. Lo vir pensar ke Munik sar un bona civ, ed il pensar ke it sar un grana civ. Lo vir sar kleva. Il dicar: “Salut, Munik!” Il sar bona vir!

Lo vir starar e pensar: “Vo sar tren?” Il vidar... il vidar lo tren! Il pensar: “Lo tren!” Nun il no pensar pril jornal e no pensar pril civ; il pensar pril tren!

Gramatik

Cu

• cu = ?
  • Un vir starar in un civ.
  • Cu un vir starar in un civ?

E, ed

• Lo vir vidar lo civ. Lo vir vidar lo tren. Lo vir vidar lo civ e lo tren.
• E + a..., + e..., + i..., + o..., + u... = ed.
  • Lo vir vidar un civ. Lo vir vidar un tren. Lo vir vidar un civ ed un tren.

Lo, un

• lo = 1
  • Lo vir starar in un civ. Lo vir skribar in un jornal. Lo vir vidar un tren. = 1
• un = +1
  • Un vir starar in un civ. Un vir skribar in un jornal. Un vir vidar un tren. = 3

Nel

• Lo vir starar in lo civ = lo vir starar nel civ.
• Lo vir skribar in lo jornal = lo vir skribar nel jornal.

Pri, pril

• Lo vir pensar pri Munik.
• Lo vir skribar pri Munik.
• Lo vir skribar: "Mi vidar un tren!" Il skribar pri un tren.
• Lo vir pensar pri lo tren = lo vir pensar pril tren.
• Lo vir skribar pri lo civ = lo vir skribar pril civ.

Vokablar

• bona 👍
• civ 🏙️
• cu ❓
• e(d) &
• dicar 💬
• grana
• il
• in, nel
• it
• jornal 📝
• kleva 🧠
• no ↔ ya
• pensar 💭
• pri(l)
• salut 👋
• sar
• skribar ✍️
• starar 🧍
• tren 🚂
• un = 1
• vidar 👀
• vir 👨
• vo 🗺️

Pronunco

• c = ch, ts
  • dicar: dichar, ditsar
  • civ: chiv, tsiv