Jump to content

Toki a, jan Jonatan!/lipu lili nanpa tu wan

Add links
From Wikibooks, open books for an open world
< Toki a, jan Jonatan!
This page may need to be reviewed for quality.

lipu lili nanpa tu wan (3)

[edit | edit source]

tenpo suno nanpa tu (2) pi tenpo mun nanpa luka (5)

[edit | edit source]
pona lukin en ike lukin
ona li tenpo kipisi nanpa luka luka wan (11). tenpo kama la ona li tenpo kipisi nanpa luka luka tu (12).
ona li moku e kipisi soweli.
jan Jonatan: "mi sona!" ona li jo e sona pona.

jan Jonatan li awen sewi lon ma tomo Win. jan Jonatan li pilin e ni: ma tomo Win li pona, ma tomo Win li pona lukin. jan Jonatan li pilin ala e ni: ma tomo Win li ike lukin; ona li pilin e ni: ma tomo Win li pona lukin. ona li toki: “ma tomo Win li ma tomo pi pona lukin! mi sitelen e ijo ona!” ona li sitelen e ijo pi ma tomo Win lon lipu pi suno ale. lon lipu pi suno ale, ona li sitelen: “tenpo suno mi nanpa tu wan li pona mute! lon tenpo suno nanpa tu, mi awen sewi lon ma tomo Minsen. taso tenpo ni la mi awen sewi lon ma tomo Win: ma tomo Win li ma tomo Minsen ala. ma tomo Minsen en ma tomo Win li ma tomo tu; ma tomo Minsen li ma tomo Win ala. ma tomo Win li ma tomo Minsen ala. mi awen sewi lon ma tomo Win. ma tomo li pona lukin mute. mi olin e ma tomo Win; ma tomo li ike lukin ala. ma tomo Win li pona lukin a! taso mi jo e ike.”

seme? jan Jonatan li jo ala jo e ike? ike seme? tenpo ni la ona li lukin ala e lipu pi suno ale; ona li lukin e ma tomo li pilin. ona li pilin mute e ijo ike.

ike pi jan Jonatan li ni: ona li olin e ma tomo Win, taso ona li jo ala e tenpo.

ona li pilin: “nnn. tenpo ni ona li tenpo kipisi nanpa luka tu (7). tenpo kipisi nanpa luka luka (10) la tomo tawa linja li weka. tenpo kipisi nanpa luka luka (10) weka tenpo kipisi nanpa luka tu (7) li tenpo kipisi tu wan (3). tenpo kipisi tu wan li tenpo mute ala tawa ma tomo pi pona lukin! mi jo e tenpo ala. jo tenpo li pona, taso mi jo ala e ona! sitelen lipu pi suno ale li pona, taso mi jo ala e tenpo tawa sitelen ona! pali seme lon ma tomo Win?”

ona li pilin: "mi jo ala e tenpo mute. pali seme - sitelen lipu pi suno ale, anu moku, anu lukin pi ma tomo? mi pali e seme?"

ona li pilin mute, li toki: “mi jo e sona pona! tenpo lili la...mi pilin. tomo tawa linja mi li weka lon tenpo kipisi nanpa luka luka (10). tomo tawa linja pi tenpo kama li lon ala lon tenpo kipisi nanpa luka luka wan (11), anu tenpo kipisi nanpa luka luka tu (12), luka luka tu wan (13), luka luka tu tu (14), anu luka luka luka (15)?"

ona li lukin...lon! tomo tawa linja ni li lon: ona li weka lon tenpo kipisi nanpa luka luka luka. tenpo ni la jan Jonatan li pona.

jan Jonatan li toki: “luka luka luka (15) weka luka tu (7) li luka tu wan (8). tenpo ni la mi jo e tenpo kipisi luka tu wan! mi pali e seme?”

ona li toki: “mi sona! mi moku e kipisi soweli. mi moku e telo nasa. tenpo lili la...ala, mi moku e telo nasa tu, anu telo nasa tu wan. sona pona!”

tenpo ni la jan Jonatan li moku e telo nasa lon ma tomo Win, li moku e kipisi soweli. ona li pona. ona li toki: “mi pona a! mi olin e ma tomo Win. mi olin e tawa a!”

nasin toki

[edit | edit source]

pi

[edit | edit source]
  • jan Jonatan li pilin: tomo tawa linja mi li weka. = tomo tawa linja pi jan Jonatan li weka.
  • jan Jonatan li sitelen lon lipu pi suno ale. ona li sitelen e ona; ona li lipu pi suno ale pi jan Jonatan.

lon

[edit | edit source]
  • mije li lon ala lon tomo tawa linja? lon, mije li lon; ona li jan Jonatan.
  • lipu pi suno ale li lon ala lon kipisi soweli? lon ala, lipu pi suno ale li lon ala kipisi soweli.

tenpo kama

[edit | edit source]
  • ona li tenpo kipisi nanpa 10. tenpo kama la, ona li tenpo kipisi nanpa 11.
  • jan Jonatan li lon ma tomo Minsen. tenpo kama la, ona li lon ma tomo Win.
  • jan Jonatan li pilin: "mi moku." tenpo kama la, ona li moku.

seme

[edit | edit source]
  • jan Jonatan li olin e tomo tawa linja. jan Jonatan li olin e tomo tawa linja seme? jan Jonatan li olin e tomo tawa linja majuna.
  • jan Jonatan li lukin e ma tomo. jan Jonatan li lukin e ma tomo seme? jan Jonatan li lukin e ma tomo Win.

ni, ona

[edit | edit source]
  • jan Jonatan li lon tomo tawa linja majuna. jan Jonatan li olin e tomo tawa linja. tomo tawa linja ni li majuna: jan Jonatan li olin e ona.
  • jan Jonatan li lukin e ma tomo Win. ma tomo Win li ma tomo. ma tomo ni li ma tomo Win: jan Jonatan li lukin e ona.

a

[edit | edit source]

a = !

  • tomo tawa linja li majuna mute, mute. jan Jonatan li toki: "tomo tawa linja li majuna a!"
  • kipisi soweli li pona mute, mute. jan Jonatan li toki: "kipisi soweli li pona a!"
  • jan Jonatan li jo e ike suli, pi suli mute. jan Jonatan li toki: "ike mi li suli a!"
  • tomo tawa linja li pona lukin. tomo tawa linja li pona lukin a!
  • jan Jonatan li sona. ona li sona a!

tenpo kipisi

[edit | edit source]

tenpo kipisi

  • ona li tenpo kipisi nanpa luka wan: 6:00
  • ona li tenpo kipisi nanpa tu li tenpo suli luka luka: 2:10

tenpo kipisi = tenpo suli 60. tenpo kipisi wan = tenpo suli 60, tenpo kipisi tu = tenpo suli 120. 6:00 li tenpo kipisi nanpa luka wan. 2:00 li tenpo kipisi nanpa tu. 6:00 weka 2:00 li tenpo kipisi tu tu.

weka

[edit | edit source]
  • tomo tawa linja li weka tan ma tomo Minsen. tenpo kama la, tomo tawa linja li lon ma tomo Win.
  • tenpo kipisi kama tu wan la, jan Jonatan li weka.

wan, tu, tu wan...

[edit | edit source]
  • 1: wan
  • 2: tu
  • 3: tu wan
  • 4: tu tu
  • 5: luka
  • 6: luka wan
  • 7: luka tu
  • 8: luka tu wan
  • 9: luka tu tu
  • 10: luka luka
  • 11: luka luka wan
  • 12: luka luka tu...

nimi

[edit | edit source]
ona li pona.
ike: ijo A li seme?
  • a
  • ike
  • ike lukin: pona lukin ala
  • jo
  • lon
  • mi
  • moku
  • mute
  • ni
  • ona
  • pali
  • pi
  • pona
  • pona lukin
  • sona
  • tenpo
  • tenpo lili: tenpo mute ala
  • tenpo kama
  • tenpo kipisi
  • tenpo suno = tenpo kipisi 24
  • weka
Retrieved from "https://en.wikibooks.org/w/index.php?title=Toki_a,_jan_Jonatan!/lipu_lili_nanpa_tu_wan&oldid=4519704"