Salom, Jonatan!/Mon 1

From Wikibooks, open books for an open world
Jump to navigation Jump to search

Monlari - Mon 1 - Mon 2 - Mon 3

Xaher.
Te eskri in din-kitabu.
Ixu estay.
Ixu no estay.
Ixu sen cinonpul.
Ixu sen day.

Unyum mon (1yum mon)[edit | edit source]

Un de mesi lima (1 de mesi 5)[edit | edit source]

Ixu estay in xaher. Ixu eskri din-kitabu. Ixu oko xaher.

Kam ixu estay in xaher? Si, te estay in xaher.

Kam ixu estay in…ixu? No, te no estay in ixu. Te estay in xaher.

Kam ixu estay in tren? No, te no estay in tren. Te estay in xaher.

Kam ixu eskri din-kitabu? Si, te eskri din-kitabu.

Kam din-kitabu eskri ixu? No, din-kitabu no eskri ixu. Din-kitabu no eskri. Ixu eskri. Ixu eskri din-kitabu.

Kam xaher oko ixu? No, xaher no oko ixu. Xaher no oko. Ixu oko.

Kam ixu oko xaher? Si, ixu oko xaher.

Ixu estay keloka? Te estay in xaher. Ixu eskri keto? Te eskri din-kitabu. Ixu oko keto? Te oko xaher. Te estay in xaher, ji te eskri din-kitabu, ji te oko xaher.

Kam ixu estay in din-kitabu? No, te eskri in din-kitabu. Kam ixu oko ixu? No, te no oko ixu; te oko xaher.

Ixu sen day. Ixu sen bon, ji ixu sen cinonpul. Te fikir. Te fikir tem xaher. Te fikir: “Xaher sen kepul? Kam xaher sen bon? Kam xaher sen day?”

Kam ixu eskri xaher? No, te no eskri xaher; xaher sen day. Te eskri din-kitabu; din-kitabu no sen day.

Kam din-kitabu fikir tem ixu? No, din-kitabu no fikir. Ixu fikir. Te fikir tem din-kitabu, ji fikir tem xaher.

Te eskri in din-kitabu. Te eskri tem xaher. Te eskri, “Xaher sen bon, ji xaher sen day.”

Te fikir, “Xaher sen bon”; te fikir ki xaher sen bon. Te fikir, “Xaher sen day”; te fikir ki xaher sen day. Te fikir tem xaher, ji te fikir tem din-kitabu.

Din-kitabu sen keto? Din-kitabu sen denloka hu ixu eskri; te eskri in din-kitabu. In din-kitabu, ixu eskri tem xaher. In din-kitabu, ixu no eskri tem tren; ixu estay in xaher, no in tren. Te no fikir tem tren; te fikir tem xaher, xaher Muncen.

Xaher sen keto? To sen Muncen. Muncen sen keto? To sen denloka hu ixu estay. Ixu sen keloka? Te sen in Muncen.

Si, Muncen sen day xaher ji bon xaher. Ixu fikir ki Muncen sen bon xaher, ji te fikir ki to sen day xaher. Ixu sen cinonpul. Te loga, “Salom, Muncen!” Te sen bon ixu!

Ixu estay ji fikir, “Tren sen keloka?” Te oko…te oko tren! Te fikir, “Tren!” Fe nunya, te no fikir tem din-kitabu, ji no fikir tem xaher; te fikir tem tren!

Gramati[edit | edit source]

Tarihe[edit | edit source]

  • Mesi lima, 2019 sen 2019-05.
    • Un de mesi lima sen 2019-05-01.
    • Dua de mesi lima sen 2019-05-02.
    • Tiga de mesi lima sen 2019-05-03.

kam[edit | edit source]

  • kam = ?
    • Ixu estay in xaher.
    • Kam ixu estay in xaher?

tem[edit | edit source]

  • Ixu fikir tem Muncen.
  • Ixu eskri tem Muncen.
  • Ixu eskri, “Mi oko tren!” Te eskri tem tren.

·yum[edit | edit source]

  • un = 1
    • un·yum
  • dua = 2
    • dua·yum
  • tiga = 3
    • tiga·yum

Lexilari[edit | edit source]

  • bon
  • cinon·pul
  • day
  • den·loka
  • din-kitabu
  • eskri
  • estay
  • fe nun·ya
  • fikir
  • hu
  • in
  • ixu
  • ji
  • kam
  • ke·loka
  • ke·to
  • ki
  • loga
  • no ↔ si
  • oko
  • salom
  • sen
  • si ↔ no
  • te
  • tem
  • tren
  • xaher

Am loga:[edit | edit source]

  • h = kh
    • hu: khu
    • xaher: xakher
  • x = sh
    • ixu: ishu
    • xaher: shaher